Qindra të evakuuar nga deti nga ishulli grek Evia pas shpërthimit të zjarreve

Qindra njerëz u evakuuan me anije nga ishulli Evia pranë Athinës ndërsa Greqia po përgatitej për një ditë të katërt të zjarreve me shërbimet e urgjencës që parashikuan erëra të forta dhe temperatura të larta, shkruajnë mediat greke.

Anijet e rojeve bregdetare të ndihmuara nga anijet turistike kanë marrë 631 persona që mbrëmë nga tre plazhe në ishullin Evia, ku flakët kanë djegur një zonë të gjerë pyjesh pishe që nga e marta dhe kanë arritur në det.

Qiejt e Athinës u mbuluan përsëri nga tymi i dendur nga zjarret në periferi veriore të qytetit, të cilat shpërthyen përsëri. 

Një numër banorësh në periferi janë evakuuar pasi zjarri shpërtheu rreth autostradës kryesore që lidh Athinën me Greqinë veriore.
Qindra zjarrfikës me avionë bombardues uji po përpiqeshin të parandalonin flakët që të arrinin në qytetin e afërt të Marathon.

Temperaturat kanë qenë mbi 40 gradë Celsius gjatë gjithë javës dhe nuk pritej një zbutje me erëra të forta që pritet të përhapin flakët më tej.

Deri më tani, të paktën nëntë persona janë dërguar në spital me shkallë të ndryshme dëmtimi, përfshirë dy zjarrfikës vullnetarë të trajtuar për djegie në njësitë e kujdesit intensiv në Athinë, thanë zyrtarët shëndetësorë.

Kryeministri Kyriakos Mitsotakis tha se Greqisë i duhej të forconte gatishmërinë e saj për motin e ashpër të shkaktuar nga ndryshimet klimatike.