Qofte shtëpie me fileto pule DIMAL

Të buta, të shijshme dhe plot aromë, qoftet e shtëpisë me fileto pule DIMAL janë një alternativë e lehtë dhe praktike për një vakt familjar.

Përbërësit:

500 gr fileto pule DIMAL

100 gr djathë kaçkavall

1 thelb hudhër

2–3 feta bukë

1 kokërr vezë

Pak nenexhik

Kripë dhe piper

1 lugë kafeje sodë buke

Përgatitja: Fileton e pulës e ziejmë dhe më pas e kalojmë në blender. E vendosim në një tas, ku shtojmë hudhrën e grirë imët, vezën, djathin kaçkavall të grirë, kripën dhe piperin. Në fund shtojmë bukën e njomur ose mund të përdorim galetë.

Kontrollojmë brumin që të jetë i butë, jo i fortë. E lëmë brumin të pushojë, në mënyrë që aromat të lidhen, dhe më pas i skuqim qoftet në vaj të nxehtë.