Video e Naomi Campbell bëhet virale, modelja dezinfekton me kujdes biçikletën publike në Paris
Modelja e njohur Naomi Campbell tregoi edhe një herë shqetësimin e saj për mikrobet gjatë qëndrimit në Paris për Javën e Modës.
Për shkak të protestave në qytet, Campbell u detyrua të përdorte një biçikletë publike për të lëvizur. Megjithatë, para se të hipte, ajo dezinfektoi pothuajse të gjithë biçikletën me peceta antiseptike, ndërsa nuk hoqi dorezat që mbante.
“Është e pamundur të marr biçikletën pa dorezat e mia”, tha ajo, duke shpjeguar se ishte e shqetësuar për mikrobet.
Pasi zgjidhi problemin e higjienës, Campbell u përball me një tjetër vështirësi: nuk ishte e sigurt nëse mund të ngiste biçikletën, pasi tha se kishte vite që nuk e kishte bërë këtë, përveç biçikletës statike.
“Zot, kjo nuk bëhet. Ku janë atletet e mia?”, u shpreh ajo, duke vënë në dukje se kishte planifikuar të vishte këpucë sportive atë ditë.