RIGA – Lituania do të përdorë municione thërrmuese për të përmirësuar mbrojtjen

RIGA, 3 korrik /ATSH-DPA/ – Lituania planifikon të tërhiqet nga konventa ndërkombëtare që ndalon përdorimin e municioneve thërrmuese për shkak të luftës së vazhdueshme midis Rusisë dhe Ukrainës, vendosën sot ligjvënësit.

Qeveria ka miratuar një projekt nga Ministria e Mbrojtjes, i cili do të kalojë për diskutim në parlament.

Hapi do të duhet gjithashtu të miratohet nga presidenti Gitanas Nauseda.

Ministria e Mbrojtjes e Lituanisë tha se ”anulimi i marrëveshjes së municioneve thërrmuese ka kuptim, pasi situata e sigurisë kombëtare në Lituani dhe kërcënimet me të cilat përballet kombi kanë ndryshuar në mënyrë dramatike”.

Lituania kufizohet me enklavën ruse të Detit Baltik të Kaliningradit dhe Bjellorusinë, aleaten më të ngushtë të Rusisë.

Të gjitha shtetet baltike kanë forcuar politikat e tyre të mbrojtjes dhe sigurisë që kur Moska filloi pushtimin në shkallë të plotë në 2022./  /os/