Rama Biznesmenet tane nuk u pasuruan nga politika do lene bizneset per te

I akuzuar se mbushur listat e deputetëve me biznesmenë, kryesocialisti Rama tha se ndryshe nga rivalët e tij demokratë, sipërmarrësit që PS do të dërgojë në Parlament nuk janë pasuruar nga politika. Ai shtoi se ata janë të gatshëm që t’i lënë aktivitetet e tyre tregtare tani që do të jenë në Kuvend.

Mbron biznesmenët në listat e tij të deputetëve, duke nënvizuar se nuk janë pasuruar nga politika.

Gjatë një bisede me gazetarë në autobusin që coi skuadrën socialiste në Berat, kryetari Rama garantoi se ata do të lënë bizneset e tyre tani që i kanë hyrë politikës.

Ndonëse PS ishte partia më e gjobitur nga KQZ për mosplotësimin e kuotave gjinore në listat e deputetëve, Rama thekson se socialistët do të kenë më shumë gra nga të gjithë në Parlament.

Rama theksoi se ata që në pamje të parë duken si të panjohur e të dorës së dytë, janë figura që përfaqësojnë mirë komunitetet e tyre.