Rama: Njësitë e mëdha administrative, mundësi për akses në fondet e BE-së

TIRANË, 16 shtator /ATSH/ Kryeministri Edi Rama, ishte sot në Korçë, ku mori pjesë në takimin për konsultimet publike në lidhje me Reformën e re Administrativo-Territoriale.

Kreu i qeverisë theksoi se njësitë më të mëdha administrative krijojnë mundësi për akses në një kategori tjetër fondesh të Bashkimit Europian dhe për më shumë investime në territor.

“Është shumë e rëndësishme për fëmijët tuaj kjo që po bëjmë sot, në radhë të parë për fëmijët tuaj dhe për mirëfunksionimin në shkallë kombëtare të shtetit shqiptar”, u shpreh Rama.

Sipas Ramës, bashkimi i Maliqit me Korçën në një bashki të re dhe të fuqishme, do të krijojë “premisa të reja për zhvillimin ekonomik e social të qëndrueshëm si edhe aksesin në fondet e Bashkimit Europian”.

Reforma e Administrativo-Territoriale synon të rrisë kapacitetet, mundësitë për financim dhe investimet për komunitetet, duke i hapur rrugë një zhvillimi më të madh në të ardhmen.

1 nga 16

/m.q/j.p/r.e/