Rama: Sot, Shqipëria është grua, më 12 maj zgjohet e gjitha rozë
Kreu i Partisë Socialiste ka marrë pjesë në takimin me gratë dhe vajzat socialiste në Teatrin e Operas dhe Baletit ku deklaroi se sot më shumë se kurrë Shqipëria përfaqëson gruan në radhë të parë.
“Jemi mbledhur në të 12 qarqet e vendit ku do të zhvillohen 12 garat e përballjes elektorale për Kuvendin e ardhshëm të Shqipërisë për të nisur zyrtarisht fushatën e 11 Majit. Shqipëria është grua, Europa është grua dhe suksesi i përpjekjes për Shqipërinë 2030 në Bashkimin Evropian varet në radhë të parë nga nënat, motrat dhe nga bijat e Shqipërisë.
Mua nuk asgjë më shumë që më bën krenar për Partinë SocialisteS se sa fakti që kjo forcë politike mbështet fuqimisht nga gratë dhe vajzat e Shqipërisë”, u shpreh Rama.
Rama vuri në dukje se Partinë Socialiste në rang e mbështesin “56% e zgjedhësve gra dhe vajza, në qarqe të caktuara kjo mbështetje shkon deri në 65%. Te burrat dhe djemtë mbështetja është më e ulët te ne, se sa te gratë dhe vajzat”, theksoi Rama.
Kryesocialisti bëri edhe një parashikim për zgjedhjet e 11 majit, kur tha se një ditë më pas Shqipëria do të zgjohet e gjitha rozë ashtu si vetë ngjyra e grave dhe vajza dhe ngjyra e Partisë Socialiste.
“Në mëngjesin e 12 majit Shqipëria do të gdhihet në rozë që është ngjyra e grave dhe vajza por edhe që është ngjyra e Partisë Socialiste të Shqipërisë. Partia Socialiste dhe fuqia e grave dhe vajza shqiptare nuk janë të ndërlidhur rastësisht me njëra-tjetrën. Kjo është një sinergji që është aktualisht shumë domethënëse sepse ka nisur të krijohet qysh 20 vjet më parë”, ka theksuar Rama.
/rtsh.al/