Rama-Topit: S'bojkotojme 8 majin Qamil Xhani

Kryetari i Partise Socialiste ka garantuar dje Presidentin e vendit, Bamir Topi, se Partia Socialiste nuk do te bojkotoje zgjedhjet vendore te 8 majit. Ne nje leter derguar kreut te shtetit, kryetari i PS-se, Edi Rama shprehet se opozita do te marre pjese aktive edhe ne jeten parlamentare. "Duke ju falenderuar edhe nje here per apelin tjeter te rendesishem qe bete permes letres tuaj, deshiroj t'ju garantoj per pjesemarrjen tone aktive ne jeten parlamentare dhe gjithashtu t'ju garantoj se bojkoti i zgjedhjeve vendore, nuk ka qene kurre dhe nuk do te jete ne asnje rast opsioni yni", shprehet Rama ne letren e tij. Por nga ana tjeter, kreu i PS-se shpreh dhe rezervat e tij ne lidhje me procesin zgjedhor, duke theksuar se ne situaten aktuale zgjedhjet nuk mund te behen. "Pas farses elektorale te qershorit 2009 ne kemi qene te bindur se s'mund, s'duhet dhe s'do te lejojme qe zgjedhjet e radhes te jene farsa e radhes. Por pas 21 janarit ne jemi te bindur se ne kushtet e sotme zgjedhjet thjesht nuk mund te behen nese duam qe vertete ato te jane nje gare e lire dhe e ndershme, jo nje farse me e pagelltitshme, qe do te nxiste precipitimin e metejshem te krizes", shkruan kryesocialisti ne letren e tij. Duke bere nje pershkrim te situates, lideri i selise roze thekson se nderhyrja e nderkombetareve dhe konkretisht misioni te derguarit te BE-se, Miroslav Lajcak mund te sjellin nje ndryshim te situates. "Sigurisht qe keto kushte mund te ndryshojne. Keto kushte duhet te ndryshojne. E per sa na takon, ne jemi te gatshem te bejme gjithcka mundemi qe ato te ndryshojne, padyshim me ndihmen e pazevendesueshme te miqve dhe partnereve te Shqiperise", shkruan Rama ne letren e tij. Nga ana tjeter, Rama nenvizon dhe kerkesen e opozites per zgjedhje te parakohshme, duke i cilesuar si ato vendore si zgjedhjet per punet komunale. Rama shprehet se jane ngjarjet e 21 janarit ato qe duhet te kalojne ne gjykimin e qeverise me vote. "Asnje shqiptar i vetem, jo me nje opozite e tere, e bashkuar prej thuajse dy vitesh nga e majta ne te djathte per te mbrojtur demokracine, institucionet njerezit nga pasoja e kapjes se shtetit e te nivelit marramendes te korrupsionit nuk mund ta kaloje ate shperthim vrastar te dhunes shteterore pa pasur te drejten e gjykimit te qeverise me vote. Dhe jo me voten e zgjedhjeve te radhes, perkatesisht ato vendore, por me nje vote qe duhet ta gjykoje drejtperdrejte kete qeveri, jo per kanalizimet apo punet komunale, por per keqqeverisjen e degraduar ne nje korrupsion te pandalshem, deri ne vrasjen dhe plagosjen me paramendim te qytetareve me arme zjarri", u shpreh kreu i PS-se. Rama eshte shprehur se mazhoranca, duke pare implikimin e forte ne ngjarjen e 21 janarit ku humben jeten kater qytetare te pafajshem demonstrues, sulmon perdite prokuroren e Pergjithshme. Kreu i PS ka garantuar se nuk do te heqe dore nga demonstratat per largimin e qeverise me zgjedhje te reja.

Kreu i PS: Demonstrata deri ne largimin e qeverise me zgjedhje te reja
"Ju garantoj se pa bere asnje hap mbrapa ne kerkesen tone legjitime, e aksionin opozitar te demonstratave paqesore per largimin e qeverise dhe zgjedhje te reja, te lira dhe te ndershme, ne jemi gati te hedhim cdo hap te mundshem perpara per te garantuar voten e cdo shqiptari ne zgjedhjet e ardhshme vendore", shkruan Rama ne letren e tij.

Dhuna nga demonstruesi ishte individuale, policia i provokoi
Ne letren e derguar Presidentit te vendit, kryetari i Partise Socialiste per here te pare flet ne menyre direkte edhe per dhunen ndaj institucioneve. Ai shprehet se demonstruesit u provokuan nga ana e policise dhe te gjitha aktet e dhunes qe bene nga ata, duhet te hetohen dhe ndeshkohen ne menyre individuale. "Aspekte sporadike te dhunes se ushtruar nga demonstruesit e provokuar keqazi, jane teresisht individuale dhe duhen hetuar dhe gjykuar, nje per nje, nga institucionet e pavarura ne baze te ligjeve te kesaj Republike", shprehet kreu i PS-se ne letren derguar kreut te shtetit. Rama ndalet edhe ne viktimat e 21 janarit, duket theksuar se hetimi i vrasjes se 4 qytetareve nuk duhet te mjaftohet vetem per ata qe kane shkrepur kembezen. Ai shprehet se kjo ngjarje duhet te hetohet deri ne fund. "Shqiperia nuk mund te lejohet ta kaloje 21 janarin permbytjen e radhes, si skandalin korruptiv te radhes, si rritjen statistikore te radhes ne numrin e te vrareve te keqqeverisjes", shkruan Rama ne letren e tij per kreun e shtetit. Ne fund te letres se tij, kreu i PS-se i kujton kreut te shtetit se demonstratat paqesore do te vazhdojne deri ne largimin e kesaj mazhorance.