Rama fton të gjithë të bëhen pjesë e adrenalinës së Automotive Fair Albania
TIRANË, 21 mars/ATSH/- Automotive Fair Albania, eventi më i madh për të apasionuarit pas makinave, rikthehet në datat 27-30 mars në kryeqytet.
Kryeministri Edi Rama fton të gjithë që të bëhen pjesë e adrenalinës së Automotive Fair Albania, më 27-30 Mars te Sheshi “Nënë Tereza” dhe Sheshi “Italia” në Tiranë.
Ky event sportiv vjen me aktivitete risi për promovimin e mëtejshëm të automotivit dhe transportin e gjelbër, lëvizshmërinë e sigurt dhe argëtimin.
Do të zhvillohen minigara, parada dhe shfaqje automotive, ekspozime mjetesh me interes të lartë historik RETRO dhe nuk do mungojnë aktivitetet edukative për të gjitha grupmoshat.