Rama heq foton e “Shqipërisë së madhe” pas ankesës së Serbisë

Ministri i Jashtëm serb, Ivica Daçiç kishte deklaruar se ambasada e Serbisë në Tiranë i kishte dorëzuar ministrisë sonë të Jashtme një notë proteste për foton e publikuar në facebook-un e kryeministrit

Gjatë festave të fundvitit kryeministri Edi Rama postoi në profilin e tij në facebook një album me foto të dërguar nga qytetarët përmes nismës “Shqipëria Dhuron”, të cilat ishin shfaqur më parë në murin e kryeministrisë.

Por një prej fotove ngjalli reagim të fort në Serbi, pasi në të shfaqej baneri i famshëm që fluturoi mbi stadiumin e Beogradit, gjatë ndeshjes midis dy kombëtareve.

Ministri i Jashtëm serb, Ivica Daçiç kishte deklaruar se ambasada e Serbisë në Tiranë i kishte dorëzuar ministrisë sonë të Jashtme një notë proteste për foton e publikuar në facebook-un e kryeministrit.

Gjithsesi, ministria jonë i mohoi pretendimet se kishte marrë një notë të tillë proteste, megjithatë reagimi i serbëve ka dhënë rezultat pasi foto me flamurin e “Shqipërisë së madhe” është fshirë nga albumi i Ramës.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu