Rama mbledh ministrat në selinë e PS

TIRANË-Kryeministri Edi Rama ka mbledhur ministrat në selinë e Partisë Socialiste ku mësohet se pritet të firmoset Kodi i Heshtjes. Firmosja e Kodit të Vlerave Etike të ministrave do të bëhet nga të gjithë anëtarët e kabinetit, përfshi dhe ata të aleatëve.

Mbledhja e improvizuar e qeverisë po zhvillohet në selinë e Partisë Socialiste ku prej kohësh tashmë ekziston edhe zyra e kryeministrit të zgjedhur.

Mësohet se në takimin me kryeministrin e ri janë edhe ministrat që përfaqësojnë Lëvizjen Socialiste për Integrim.

Ndërkohë qeveria e majtë pritet të dekretohet më 12 shtator.