Rama pret Arvizun në selinë e PS

Kryetari i Partisë Socialiste dhe kryeministri i ardhshëm i vendit priti në selinë e PS-së ambasadorin amerikan, Alexander Arvizu dhe një grup përfaqësuesish të Dhomës Amerikane të Tregtisë në Tiranë.

Në përfundim të takimit, ambasadori amerikan deklaroi mbështetjen për qeverinë e re dhe për Edi Ramën dhe shprehu besimin se qeveria e koalicionit të majtë do t’u përgjigjet kërkesave të qytetarëve.

“Shprehëm mbështetjen tonë për qeverinë e re dhe presim me kënaqësi të vazhdojmë të punojmë me Shqipërinë nëpërmjet saj. Shtetet e Bashkuara janë besimplotë se kryetari i Partisë Socialiste, Edi Rama dhe kryetari i Lëvizjes Socialiste për Integrim, Ilir Meta do t’u përgjigjen kërkesave të votuesve”, deklaroi ambasadori amerikan./Indeksonline/