Rama takon Parvanovin

Kryetari i Bashkise se Tiranes, Edi Rama, ka pritur ne diten e pare te vizites se tij ne vendin tone, Presidentin e Republikes se Bullgarise Georgi Parvanov. Pas fjaleve te mireseardhjes, Kryetari i Bashkise i ka dhuruar presidentit bullgar, nje nga simbolet me domethenese te kryeqytetit shqiptar, “Kullen e Sahatit”. Biseda mes Kryebashkiakut Rama dhe presidentit bullgar u perqendrua kryesisht ne eksperiencat qe dy vendet respektive ndajne me njeri-tjetrin, vizionin dhe sfidat me te cilat jane perballur dhe vazhdojne te perballen keto dy vende ballkanike. Kryebashkiaku Rama, e ka cilesuar Bullgarine si nje “histori suksesi” dhe si nje nder ato vende nga te cilat Shqiperia ka shume gjera per te mesuar. Kryebashkiaku Rama ka vleresuar ne menyre te veçante dhe ka vene theksin kryesisht ne ndihmen dhe eksperiencen qe kryeqyteti bullgar Sofja, ka ofruar ne drejtim te çeshtjes se sistemit fiskal. Po ashtu Rama ka vleresuar reformat e ndermarra ne kete drejtim nga Bullgaria te cilat kane dhene rezultate, persa i perket investimeve, klimes se biznesit, mbledhjes se taksave, etj. Nga ana e tij, presidenti i Bullgarise Parvanov ka konsideruar si te rendesishme miqesine mes dy vendeve dhe ka vleresuar me nota optimiste perparimet, ndryshimet dhe zhvillimin qe vihen re ne Shqiperi e veçanerisht ne kryeqytetin shqiptar.