Reali ndalet nga Betis, Atletico mund të përfitojë

Mbetet i pamposhtur, por kthehet në dhomat e zhveshjes me kokën ulur: kjo ndodh kur je një klub fisnik si Real Madrid, veçanërisht nëse barazimi, i marrë pa gola, vjen në mes të sprintit për titullin, me Atletico që ka mundësinë të arratiset nëse fiton të dielën në Bilbao, mund të fluturojnë në +5.

Jo se skuadra e Zinedine Zidane nuk u përpoq, përkundrazi: që nga fillimi Blancos u munduan të krijojnë sulme të dendura falë gjallërisë së Rodrygo, gjeometrive të Modric dhe pranisë fizike të Benzema. Por pak nga shiu i madh që ra mbi Valdebebas ” Di Stefano ‘, pak nga saktësia e ndërhyrjeve mbrojtëse nga lojtarët e udhëhequr nga një ish si Manuel Pellegrini,  rezultati mbeti gjithmonë i bllokuar.

Në (pak) momentet kur andaluzianët lënë hapësirë, vendasit nuk e shfrytëzojnë atë. Pak për të ardhur keq, si me rastin e goditjes së traversës nga Rodrygo në minutën e 56-të, pak nga mungesa e ftohtësisë adekuate: pyesni, në këtë rast, Vinicius Junior, i cili në minutën e 76-të I ka të gjitha mundësitë pas një sprint të gjatë, por I mungon konkretizimi para Claudio Bravo.

Një minutë më vonë Eden Hazard është përsëri në fushë pas mungesës për një dëmtim tjetër, por as hyrja e tij nuk e ndryshon rezultatin përfundimtar: Reali duhet të pranojë barazimin që e sjell atë në 71 pikë, në -2 nga Atletico dhe +3 nga Barcelona, ​e cila ka dy ndeshje më pak. E vetmja që mbetet është të hidhet kokë e këmbë në Ligën e Kampionëve (me Chelsea është të martën) në përpjekje për të gjetur buzëqeshjen e humbur.