Redjan Krali shtrëngon duart me kundërshtarët dhe pranon rezultatin e popullit të Kavajës

Redjan Krali, kryebashkiak i Kavajës dhe kandidat i Partisë Socialiste për një mandat të dytë, është larguar nga qendra e numërimit të votave dhe në holl ka shtrënguar duart me kundërshtarin. Krali ka takuar dhe Fisnik Qosen dhe deputetin Ervin Salianji.

Sapo ka dalë nga qendra e numërimit, ai është takuar me simpatizantët e Partisë Socialiste, të cilit po e prisnin me brohorima dhe ovacione. "Ky ishte vendimi i bashkëqytetarëve, e vlerësoj", tha Krali, duke u përqafuar me mbështetësit.

[caption id="attachment_701436" align="alignnone" width="683"] Redjan Krali takohet me kundershtaret[/caption]

Në sallë duket se janë njohur me rezultatin që favorizon Qosen, por sipas KQZ, deri tani në Kavajë janë numëruar 62 nga 92 kuti dhe rezultati është:

• Fisnik Ymer Qosja Bashkë Fitojmë 7776
• Redjan Gjergj Krali Partia Socialiste 7397

[caption id="attachment_701435" align="alignnone" width="604"] Redjan Krali takohet me Salianjin[/caption]

Partia Socialiste kishte pritshmëri për të marrë dhe Bashkinë e Kavajës, por rezultati ka ndryshuar menjëherë pasditen e sotme me hapjen e kutive të tjera. Redjan Krali ishte favorit prej nisjes së numërimit, mirëpo në orët e fundit epërsinë e ka marrë kandidati Fisnik Qosja.

Krali e ka drejtuar Kavajën në katër vitet e fundit dhe një sërë projektesh të rëndësishme mbajnë firmën e tij, nga turizmi te rindërtimi e infrastruktura. Por mesa duket, diçka nuk ka shkuar mirë në fushatën e tij.

"Të prenë në besë", u dëgjuan t'i thonin simpatizantët Redjan Kralit sapo ai doli nga qendra e numërimit.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu