Rehn: Presim balotazhin

Maqedonia kaloi me sukses sfiden e gjysmefinales, por mbetet per t’u pare se cfare rezultati do te kete pas dy javesh ne finale te zgjedhjeve.

Me keto fjale, komisioneri europian per Zgjerimin Oli Rehn ka komentuar procesin elektoral te se djeles ne Maqedoni me termat e sportit te tij te preferuar, futbollit.

“Jam i inkurajuar nga deklaratat e misionit vezhgues te OSBE/ODIHR, se ne pergjithesi zhvillimi i zgjedhjeve eshte i kenaqshem deri ketu dhe se u plotesuan shumica e standarteve nderkombetare. Por raundi i pare eshte vetem gjysmefinalja e procesit zgjedhor. Finalja do te zhvillohet pas dy javesh dhe une pres loje te ndershme”, ka deklaruar Rehn.

Mbarevajtja e zgjedhjeve perben kriterin kyc per celjen e negociatave per anetaresimin e Maqedonise me Bashkimin Europian. Komisioneri Rehn nuk perjashtoi mundesine e celjes se bisedimeve gjate ketij viti.

“Kushtet per celjen e negociatave nuk kane ndryshuar: jane 8 masat e vendosura ne mars 2008. Zhvillimi i rregullt i zgjedhjeve eshte kusht themeltar. Une mendoj se ka vertet shanse per plotesimin ketyre masave ne menyre qe te mund te pergatisim gjate ketij viti rekomandimin per celjen e negociatave. Por, hap i radhes eshte raundi i dyte i zgjedhjeve, ne 5 prill, e me pas permbushja e masave te tjera”, ka pohuar Rehn.

Maqedonia gezon statusin e vendit kandidat prane BE-se nga dhjetori 2005. Ceshtja e pazgjidhur e emrit te Maqedonise me Greqine mbetet nje nga pengesat per hapjen e negociatave te anetaresimit europian.