Rexhepi Vizat kemi plotesuar kushtet

Autoritetet kosovare kanë deklaruar se do t’u kërkojnë përfaqësuesve të Komisionit Evropian që të jenë më aktivë në cështjen e liberalizimit të vizave me Kosovën.

Ministri i Brendshëm, Bajram Rexhepi është shprehur se Kosova ka plotësuar tashmë të gjitha kushtet teknike për t’u përfshirë në këtë proces.

Megjithatë, ai nuk e ka përjashtuar mundësinë që, për shkak të eksperiencës së BE me Maqedoninë dhe Serbinë, Kosova të pësojë dëme anësore.

“Ne presim me të drejtë që në pjesën e parë të vitit të ardhshëm të plotësojmë kushtet teknike, por duke parë cfarë ka ndodhur deri tani, mund të ketë edhe dëme anësore”, ka pohuar Rexhepi.