Rifillimi i marrëveshjes së grurit Rusi-Ukrainë, reagon Blinken: Mirënjohës OKB-së, palët të rinovojnë nismën

Pas rifillimit të marrëveshjes së Rusisë me Ukrainën për eksportin e grurit të mbështetur nga OKB-ja dhe Turqia ka reaguar dhe Sekretari Amerikan i Shtetit Antony Blinken. Ky i fundit ka shprehur mirënjohjen  për rolin e Turqisë dhe OKB-së në lehtësimin e kthimit të Rusisë në iniciativën e grurit të Detit të Zi. Blinken u ka bërë më tej thirrje palëve që të rinovojnë nismën pasi dështimi i saj do dëmtonte më të dobëtit dhe të pambrojturit në botë.

“Ne jemi mirënjohës për rolin aktiv të OKB-së dhe aleatëve tanë turq në lehtësimin e kthimit të Rusisë në Iniciativën e Kokrrave të Detit të Zi. I bëjmë thirrje të gjitha palëve që të rinovojnë Nismën. Dështimi për ta bërë këtë do të dëmtonte më të pambrojturit në botë”, shkruan Blinken në rrjetin social Twitter.

/rtsh.al/