Rivotimi ne Mitrovice pritet te caktohet data

Pas vendimit të Gjykatës Supreme të Kosovës që urdhëron KQZ-në të përsërisë votimet në 24 nga 32 qendrat e votimit në komunën e Mitrovicës, KQZ-së i ka mbetur të caktojë datën dhe të vendosë nëse do të votohet në të gjithë komunën apo në pjesën më të madhe të saj.

“Brenda ditës së nesërme ose të pasnesërme do ta dimë saktësisht se kur sekretariati është i gatshëm”, është shprehur Valdete Daka, kryetari i KQZ-së.

Gjatë mbledhjes u vërejt një perputhje e anëtarëve të KQZ-së që njëheresh përfaqësojnë edhe subjektet politike, për të çuar në rivotim të gjithë komunën e Mitrovicës.

Sidoqoftë përseritja e votimeve edhe në Mitrovicë e ka shtyrë sërish shpalljen e rezultateve përfundimtare, dhe në këtë mënyrë edhe konstituimin e institucioneve shtetërore.

“Nëse marrim parasysh se do të kemi edhe rivotim, me siguri muaji shkurt do të jetë kur do të bëhet certifikimi I rezultateve”, tha Daka.

Ndërsa, sa i përket përseritjes së votimeve në disa komuna, më 9 janar, në KQZ thonë se janë bërë përgatitjet e duhura për një proçes të rregullt zgjedhor.