Ronaldo debuton me dopietë, fiton Mançester Junajtid

Një bishë që nuk di te ndalet.  Krisitano Ronaldo e nisi me dy gola aventurën e dytë tek Manchester Junajtid. Ylli portugez u perzgjodh titullar nga trajneri Solskjaer për sfideë që Djajtë e Kuq luajtën në “Old Traford” kunder Neëcastel për llogari të javës së katërt të Premier League.

36 vjeçari mrekulloi përsëri tifozët të cilët nuk reshtën së brohorituri emrin e tij, dhe shpërblimi erdhi fillimisht në limitet e pjesës së parë kur CR7 tregoi se instiktet nuk i janë venitur aspak.

Shfrytëzon pasigurinë e portierit kundërshtar dhe shtyn topin në rrjetë për avantazhin 1-0 të Junajtid. Në pjesën e dytë miqtë barazuan shifrat me Mankuilo në të 56-tën, por 6 minuta më pas ishte përsëri Kristiano Ronaldo që këtë herë udhëheq topin përpara me finesë dhe lëshon një goditje kirurgjikale.

Lloji i golit që vetëm portugezi di të shënojë, 2-1 shifrat dhe me tej vendasit shkojnë të sigurte tek tri pikët pas realizimeve të Bruno Fernandes dhe Lingard që fiksuan rezultatin final 4-1. Me këtë dopietë, Ronaldo ndez shpresën e tifozëve për një sezon plotë emocione.