Ronaldo, një problem për United: në janar askush nuk e do

Javë vërtet të vështira për Cristiano Ronaldon. Pas refuzimit për të dalë në fushë në ndeshjen ndaj Tottenhamit që i kushtoi përjashtimin nga skuadra e parë për ndeshjen ndaj Chelseat, portugezi jeton i ndarë në shtëpi në Mançester me justifikimet sociale që pasuan ‘refuzimin e madh’. Portugezi ëndërron të përjetojë një Botëror si protagonist dhe më pas të largohet nga United në merkaton e janarit, ndoshta për të shkuar te një ekip që do të luajë 1/16 e Champions League, por divorci nga klubi anglez para skadimit të kontrata në fund të sezonit duket shumë i vështirë.

Sipas raportimeve të ESPN, në fakt, në tryezën e Jorge Mendes, prokuratorit të CR7, për momentin nuk ka mbërritur asnjë ofertë konkrete, as nga klubet evropiane dhe as nga Arabia Saudite që portugezi e kishte refuzuar në verë. Këtë vit Ronaldo ka luajtur dhe ka shënuar pak deri tani (12 paraqitje dhe dy gola në të gjitha garat), forma e tij dhe karta e tij e identitetit, 37 vjeç, nuk inkurajojnë asnjë klub të mbështesë investimin e rëndë të pagës së tij, moment që duket se nuk ka rrugë shpëtimi.

Një fund vërtet i papritur dhe pak i trishtuar i historisë (dhe ndoshta edhe i karrierës) për një nga lojtarët më të mëdhenj të të gjitha kohërave dhe i aftë për të shënuar vetëm 24 gola në 38 ndeshje sezonin e kaluar. Ronaldo shpreson për një Botëror të shkëlqyeshëm me Portugalinë për të rihapur veten në treg, por ndërkohë, ndoshta ai duhet të përpiqet të përmirësohet me Ten Hag.