Rooney, drejt rikthimit
Wayne Rooney është rikthyer në stërvitje të plota, 24 ditë pasi pësoi lëndimin e rëndë në këmbë.
Ylli i Manchester Unitedit pritej të mungonte dy muaj, pas lëndimit në këmbën e djathtë në përballjen aksidentale me futbollistin e Fulhamit, Hugo Rodallega, më 25 gusht.
Mirëpo, 26 vjeçari i befasoi të gjithë, duke u rikthyer para pesë ditësh në stërvitje. Futbollisti anglez mund të jetë i gatshëm për ndeshjen e së dielës ndaj Liverpoolit në Anfield Road.
Ish futbollisti i Evertonit po ashtu do të jetë një rikthim i rëndësishëm i përfaqësueses së Anglisë për ndeshjet kualifikuese për Botërorin 2014 në muajin tetor.