Rosi: Mund t’i arrij kryesuesit
Në konferencën e shtypit para garës së Gjermanisë, “doktorit” nuk i munguan batutat: “Në fillim u tha se do të qëndroja jashtë piste për pesë muaj. Por kaq kohë duhet për t’u rikthyer nga dëmtimi në futboll, jo për të garuar me motor”. Pastaj e ka seriozisht: “Gara e fundjavës si dhe ajo e javës tjetër në Amerikë, do të më shërbejnë për të rifituar formën dalëngadalë, duke shpresuar të rikthehem në 100 për qind për pjesën e fundit të sezonit”.
Por ndërkohë që ai qëndronte jashtë, rivalët për titull vazhduan të grumbullojnë pikë dhe tashmë distanca nga kryesuesi Lorenco, është më e madhe. “Asgjë s’është e pamundur. Sigurisht që të rifitosh 104 pikë në 11 gara është e vështirë, por në garat me motorë asgjë nuk është e pamundur. Në kampionatet e kaluara kam arritur të marr 52 pikë në gjashtë gara ndaj Niki Heidenit”, kujtoi piloti italian.
Por ndërkohë që ai qëndronte jashtë, rivalët për titull vazhduan të grumbullojnë pikë dhe tashmë distanca nga kryesuesi Lorenco, është më e madhe. “Asgjë s’është e pamundur. Sigurisht që të rifitosh 104 pikë në 11 gara është e vështirë, por në garat me motorë asgjë nuk është e pamundur. Në kampionatet e kaluara kam arritur të marr 52 pikë në gjashtë gara ndaj Niki Heidenit”, kujtoi piloti italian.