Rriten çmimet botërore të ushqimeve, FAO njofton se tashmë kushtojnë 1.1 për qind më shumë

Organizata së Kombeve të Bashkuara për Ushqimin dhe Bujqësinë (FAO) ka njoftuar se indeksi i çmimeve të ushqimeve është rritur me 1.1% në mars krahasuar me shkurtin, rritje kjo për herë të parë pas një tendence rënëse shtatë mujore.

Sipas njoftimit për shtyp të kësaj organizate, rritja e çmimeve të ushqimeve u shkaktua kryesisht nga vajrat bimore, produktet e qumështit dhe mishi.  Sipas FAO-s edhe indeksi i vajit vegjetal u rrit me 8% në muajin mars, rritje kjo që vijon nga muaji në muaj. Indeksi i çmimeve të mishit u rrit me 1.7%, rritja e tij e dytë mujore radhazi.

Ndërsa, qumështi në rritjen e indeksit të tij gjashtë mujor radhazi, shënoi një rritje prej 2.9% nga shkurti në mars. Megjithatë, indeksi sipas FAO-s ka shënuar një rënie vjetore prej 7.7% në muajin mars, pavarësisht rritjes së përgjithshme mujore. Rritja e çmimeve të ushqimeve nisi që nga fillimi i pandemisë së Covid-19 dhe më pas u përkeqësua edhe më tej nga lufta e Rusisë në Ukrainë

Gazetar: A. Mata

/RTSH/