Rriten radhët në Kakavije
Ditët e fundit të muajit gusht kanë sjellë edhe ritualin e përvitshëm të kthimit të emigrantëve në vendet ku ata jetojnë.
Fluksi më i lartë është vënë re në pikën kufitare të Kakavijes ku deri në mesditë kanë kaluar kufirin rreth 3 mijë shqiptarë emigrantë. Sipas informacioneve, pala shqiptare punon me 8 sportele ndërsa ajo greke me 5.
Ky fluks parashikohet të rritet gjatë ditëve në vijim pasi sezonit turistik po i vjen fundi. Fluks i lartë udhëtarësh është regjistruar edhe në Kapshticë si dhe portin e Durrësit. Aktualisht situata është nën kontroll.