Rruga e Kombit Berisha Grupe antishqiptare tentuan ta pengonin

Shefi i qeverisë deklaroi të premten gjatë një takimi me një grup studentësh nga Kosova, se grupe antishqiptare tentuan të pengojnë ndërtimin e Rrugës së Kombit.

"Natyrisht që Rruga e Kombit ishte e kushtueshme; kostoja e përgjithshme e saj për kilometër është më pak se 10 milionë euro", tha Berisha.

Në fjalën tij Berisha akuzoi kryetarin e Partisë Socialiste Edi Rama, që sipas Berishës, bashkë me disa segmente kërkuan të pengonin ndërtimin e rrugës

Po ashtu kryeministri e konsideroi opozitën si penguese për integrimin e vendit, duke bllokuar ligjet që kërkonin shumicë të cilësuar.