SHBA - Gjyqi ushtarak për analistin e zbulimit Bradley Manning
Avokatët e ushtarit amerikan Bradley Manning thonë se ai ishte i ri dhe naiv, por kishte qëllime të mira për t'a bërë botën një vend më të mirë duke i dhënë qindra mijëra dokumente të klasifikuara faqes së internetit WikiLeaks.
Por gjatë deklaratave të hapjes në gjyqin ushtarak në Fort Meade, Maryland, prokurorët thanë se dokumentet sektrete ranë në duart e armikut, dhe se ata kanë prova se Osama bin Laden kërkoi dhe mori informacionin e dhënë nga Manning në WikiLeaks.
Manning përballet me 20 vjet burg për fajin e pranuar në shkurt për 10 nga 22 akuzat e ngritura kundër tij. Por në këtë gjykim ai mund të marrë një dënim të përjetshëm nëse gjendet fajtor se ka ndihmuar armikun.
25-vjeçari Manning, analist zbulimi, u arrestua në vitin 2010 ndërsa shërbente në Irak. Ai pranoi se i kishte dhënë faqes së internetit WikiLeaks kabllo-grame diplomatike dhe raporte betejash nga luftërat e udhëhequra nga SHBA në Irak dhe Afganistan, duke thënë se donte të ndezte debat publik mbi politikën amerikane.
Mbështetësit e tij thonë se Bradley Manning ekspozoi gabime që Pentagoni kurrë nuk do t'i pranonte. Por prokurorët thonë se Manning vuri jetën e ushtarëve amerikanë në rrezik.
Por gjatë deklaratave të hapjes në gjyqin ushtarak në Fort Meade, Maryland, prokurorët thanë se dokumentet sektrete ranë në duart e armikut, dhe se ata kanë prova se Osama bin Laden kërkoi dhe mori informacionin e dhënë nga Manning në WikiLeaks.
Manning përballet me 20 vjet burg për fajin e pranuar në shkurt për 10 nga 22 akuzat e ngritura kundër tij. Por në këtë gjykim ai mund të marrë një dënim të përjetshëm nëse gjendet fajtor se ka ndihmuar armikun.
25-vjeçari Manning, analist zbulimi, u arrestua në vitin 2010 ndërsa shërbente në Irak. Ai pranoi se i kishte dhënë faqes së internetit WikiLeaks kabllo-grame diplomatike dhe raporte betejash nga luftërat e udhëhequra nga SHBA në Irak dhe Afganistan, duke thënë se donte të ndezte debat publik mbi politikën amerikane.
Mbështetësit e tij thonë se Bradley Manning ekspozoi gabime që Pentagoni kurrë nuk do t'i pranonte. Por prokurorët thonë se Manning vuri jetën e ushtarëve amerikanë në rrezik.