SHBA – Peshkopi Episkopal i Uashingtonit kritikon publikisht Trumpin
UASHINGTON, 22 janar /ATSH-ANSA/ – Një ditë pas inaugurimit të tij, presidentit të ri amerikan Donald Trump iu dha një predikim gjatë një ceremonie lutjeje në Katedralen Kombëtare në Uashington.
Peshkopi Episkopal Mariann Budde, e para grua që mban këtë detyrë i bëri thirrje Trumpit nga foltorja që të kishte “mëshirë” për homoseksualët dhe emigrantët e paligjshëm, dy grupe që Trump synoi në urdhrat e tij të parë ekzekutiv.
Shërbimi i lutjes në Katedralen Kombëtare është një nga ritet e kalimit të Inaugurimit dhe Trump, me zonjën e parë pa kapele, Melania në krah të tij, qartësisht nuk priste që të kritikohej nga foltorja.
“Unë kërkoj nga ju të keni mëshirë, zoti President,” theksoi peshkopi, duke ngjallur “frikën” që ajo tha se ndjente në të gjithë vendin: “Ka homoseksualë, lezbike dhe fëmijë transgjinorë si në familjet demokratike, ashtu edhe në familjet republikane dhe të pavarura”.
Budde më pas na kërkoi t’i shikonim ndryshe njerëzit që “punojnë në fermat tona, pastrojnë shtëpitë dhe zyrat tona, punojnë në fabrikat e shpendëve dhe mishit, lajnë enët pasi të hamë në restorante dhe të punojnë në turne natën në spitale: ndoshta ata janë jo qytetarë, ndoshta nuk kanë dokumentet e duhura por shumica e emigrantëve nuk janë kriminelë”.
Trump, siç shihet në një video të shpërndarë pas ceremonisë, u befasuan qartë nga predikimi.
“Unë nuk mendoj se ishte një predikim i mirë”, theksoi presidenti më vonë kur u pyet nga një gazetar për koment.
Budde është një nga zërat më me ndikim në Kishën Episkopale Amerikane dhe është dalluar për angazhimin e saj ndaj drejtësisë sociale dhe të drejtave të njeriut.
Ajo e kishte kritikuar tashmë Trumpin kur, gjatë protestave për vdekjen e afrikano-amerikanit George Floyd në verën e vitit 2020.
Peshkopi ka kritikuar publikisht ngjarjen, duke deklaruar se presidenti e kishte shfrytëzuar vendin e shenjtë për qëllime politike pa u konsultuar me dioqezën. /os/