SHBA – Trump: Nëse Teherani nuk e hap Ngushticën e Hormuzit do sulmojmë termocentralet e tij

UASHINGTON, 22 mars /ATSH/ – Presidenti Donald Trump ka paralajmëruar se Shtetet e Bashkuara do të “shkatërrojnë” termocentralet në Iran nëse Republika Islamike nuk e hap plotësisht Ngushticën strategjike të Hormuzit brenda 48 orësh, shkruan AP.

Zhvillimet sinjalizuan se lufta në Lindjen e Mesme, tani në javën e katërt, po lëvizte në një drejtim të ri të rrezikshëm.

Sirenat u dëgjuan në të gjithë Izraelin të dielën në mëngjes, duke paralajmëruar për një breshëri të re sulmesh nga Irani, ndërsa banorët u zgjuan me skena dëmesh të mëdha në qytetet jugore të Dimonës dhe Aradit.

Në Katar, autoritetet thanë se gjashtë persona u konfirmuan të vrarë në një rrëzim helikopteri të Katarit në ujërat territoriale të kombit të Gjirit Persik një ditë më parë.

Ministria e Brendshme tha se një person ende mungon nga rrëzimi i së shtunës, i cili u fajësua për një “mosfunksionim teknik”.

Deklarata nuk sqaroi kombësinë e të vdekurve dhe as nuk tha nëse ata ishin civilë apo ushtarakë. /os/