SHBA ekzekutohet i denuari me mangesi mendore
Një i dënuar me vdekje u ekzekutua të mërkurën në shtetin e Teksasit, pasi Gjykata e Lartë Amerikane vendosi të mos marrë parasysh apelin lidhur me vonesën e tij mendore.
54-vjeçari Marvin Wilson ndërroi jetë në orët e para të mëngjesit, pasi iu bë një injeksion vdekjeprurës.
Avokatët e tij argumentuan se atij duhet t’i kursehej jeta për shkak të koefiçentit tejet të ulët të inteligjencës.
Ndonëse ai nuk ishte zyrtarisht i sëmurë, inteligjenca e Wilson ishte e krahasueshme me atë të një personi që vuan nga sindroma “down” dhe që prej vitit 2002, në SHBA ndalohet me ligj të posaçëm ekzekutimi i personave me probleme apo vonesa mendore.
Megjithatë, Gjykata e Lartë e la në dorë të shteteve interpretimin e asaj që quhet një mangësi mendore.
Wilson ishte dënuar më parë me dënimin kapital për vrasjen e një informatori të policisë për një rrjet droge në vitin 1992.
Në deklaratën e tij të fundit, i dënuari i shtatë me vdekje brenda këtij viti në Teksas tha: “Të gjithë duhet të kuptoni se kam ardhur në këtë planet si mëkatar dhe po iki si një shenjtor. Më merr në shtëpi Jezus. Jam gati, ju dua të gjithëve”.
54-vjeçari Marvin Wilson ndërroi jetë në orët e para të mëngjesit, pasi iu bë një injeksion vdekjeprurës.
Avokatët e tij argumentuan se atij duhet t’i kursehej jeta për shkak të koefiçentit tejet të ulët të inteligjencës.
Ndonëse ai nuk ishte zyrtarisht i sëmurë, inteligjenca e Wilson ishte e krahasueshme me atë të një personi që vuan nga sindroma “down” dhe që prej vitit 2002, në SHBA ndalohet me ligj të posaçëm ekzekutimi i personave me probleme apo vonesa mendore.
Megjithatë, Gjykata e Lartë e la në dorë të shteteve interpretimin e asaj që quhet një mangësi mendore.
Wilson ishte dënuar më parë me dënimin kapital për vrasjen e një informatori të policisë për një rrjet droge në vitin 1992.
Në deklaratën e tij të fundit, i dënuari i shtatë me vdekje brenda këtij viti në Teksas tha: “Të gjithë duhet të kuptoni se kam ardhur në këtë planet si mëkatar dhe po iki si një shenjtor. Më merr në shtëpi Jezus. Jam gati, ju dua të gjithëve”.