SHBA harton deklaratën e përbashkët me 3 shtetet e fuqishme: Të ruajmë paqen

Shtetet e Bashkuara të Amerikës, Australia, India dhe Japonia kanë hartuar një deklaratë të përbashkët duke u zotuar për të mbështetur paqen dhe stabilitetin në rajonin Indo-Paqësor dhe “të kundërshtojnë veprimet e njëanshme që kërkojnë ndryshimin e status quo-së me force”.

Grupi i këtyre shteteve i njohur si Quad ka shprehur “shqetësimin serioz për militarizimin dhe përpjekjet për të penguar aktivitetet e shfrytëzimit të burimeve në det të hapur të vendeve të tjera”, transmeton BBC.

Më herët, kryeministri i Indisë Narendra Modi tha se vendi i tij do të presë një samit të Quadit vitin e ardhshëm.

/rtsh.al/