SHBA pezulloi pa afat dialogun strategjik me Kosovën, reagon Qeveria: Veprimet kanë qenë në shërbim të eliminimit të vatrave të destabilitetit

Ambasada amerikane në Kosovë njoftoi sot se SHBA-të kanë pezulluar dialogun strategjik me Kosovën, ndërkaq pas këtij lajmi ka ardhur edhe reagimi i Qeverisë së Kosovës.

Zëdhënësi i Qeverisë së Kosovës, Përparim Kryeziu përmes një postimi në rrjetin social në Facebook ka shkruar se veprimet e Qeverisë së Kosovës, të ligjshme dhe kushtetuese, përgjatë gjithë kohës kanë qenë në shërbim të eliminimit të vatrave të destabilitetit me qëllim garantimin e stabilitetit të qëndrueshëm dhe afatgjatë.