SIRI – Rebelët vetëm 10 kilometra larg Damaskut
DAMASK, 7 dhjetor /ATSH-ANSA/ – Rebelët që morën kontrollin e zonave të mëdha të territorit sirian javën e kaluar ndodhen vetëm 10 kilometra nga kryeqyteti Damasku, deklaroi Rami Abdel Rahman, kreu i vëzhguesit të luftës, Observatori Sirian për të Drejtat e Njeriut.
“Forcat tona kanë filluar të zbatojnë fazën përfundimtare duke rrethuar kryeqytetin, Damaskun,” shkroi grupi islamik Hayat Tahrir al-Sham (HTS) në X.
Udhëheqësi i HTS Abu Mohamed al-Joulani lëshoi një deklaratë duke inkurajuar luftëtarët e tij: “Vazhdoni rrugën tuaj dhe vazhdoni në frontet e dinjitetit… vazhdoni rrugën e çlirimit dhe lironi të burgosurit.
“Ka mijëra njerëz të shtypur të zhvendosur që presin që ju t’u ktheni të drejtat e tyre”,shkroi ai.
Ai u bëri thirrje luftëtarëve rebelë që të mos humbin asnjë plumb për askënd, përveç armikut të tyre. /os/