SOFT NEWS – ”Vogue”: Papa Leone XIV ndër personalitetet e veshura më mirë të vitit
NJU JORK, 17 dhjetor /ATSH-ANSA/ – Revista ”Vogue America” e ka përfshirë papa Leonen XIV midis personaliteteve të veshura më mirë për vitin 2025.
”Papa ka kombinuar respektin për traditën papale me një stil dallues duke u shkëputur nga shijet e paraardhësit të tij, papa Françeskut dhe duke përjetësuar trashëgiminë papale të veshjeve të bukura liturgjike”, shkruan revista.
Atelieja LAVS e Filippo Sorcinellit, partnere e Zyrës së Festimeve Liturgjike të Papës Suprem për më shumë se 20 vjet, është rrobaqepsia që krijon veshjet e shenjta, të veshura në ceremonitë më të rëndësishme dhe ka pasur nderin të veshë Atin e Shenjtë (si dhe papa Françeskun) në këto muajt e parë të pontifikatit të tij duke konfirmuar përsosmërinë e saj në artin e rrobaqepësisë liturgjike.
Në 55 vendet e para përfshihen modeli Alex Consani, këngëtari Bad Bunny, ylli i Wednesday, Jenna Ortega, Michelle Obama, aktorja Jennifer Lawrence, Rihanna, Rosalia, Colman Domingo, reperi A$AP Rocky, stilisti Haider Ackermann, i cili vesh Tilda Swinton, Kate Moss, Timothée Chalamet (gjithashtu në 55 vendet e para), dhe Pamela Anderson, atletet Yoshinobu Yamamoto dhe Shai Gilgeous-Alexander, ylli Cate Blanchett, gjithmonë të pranishmet Hailey Bieber dhe Kendall Jenner, aktoret Chloë Sevigny, Vicky Krieps dhe Elle Fanning.
Dhe pastaj zonja e parë e re e Nju Jorkut, Rama Duwaji, gruaja e kryetarit të ri të bashkisë Zohran Mamdani.
E vetmja italiane ishte stilistja Miuccia Prada./ a.jor.