SPAK vë në dispozicion numrin e gjelbër për ditën e zgjedhjeve

TIRANË, 9 maj /ATSH/ Struktura e Posaçme Kundër Korrupsionit dhe Krimit të Organizuar ka bërë me dije sot përmes një postimi në rrjetet sociale, se gjatë ditës së zgjedhjeve parlamentare të 11 majit, ky institucion do të ketë në dispozicion të qytetarëve numrin e gjelbër 0800-04-05.

SPAK fton qytetarët që të denoncojnë krimet zgjedhore gjatë ditës së zgjedhjeve, përmes këtij numri të gjelbër që është pa pagesë.

/a.f/