Saki: Interi i vështirë për t’u mposhtur

Në një deklaratë për mediat italiane, ish-trajneri i Milanit përforcon deklaratat e parasezonit duke thënë se, “Interi është një skuadër që mund t’i mposhtë të gjithë. Ky ekip po e tregon veten dhe këtë unë e kam thënë edhe para sezonit”.

Lidhur me pretendentët për fitimin e titullit në Itali, Saki thekson se kampionët në fuqi janë më të favorizuar, dhe me të drejtë ndodhen në vendin e parë.  

Skuadra e Hoze Murinjos do të përballet sonte me Dinamon e Kievit për ndeshjen e tretë në Ligën e Kampionëve. Në dy ndeshjet e para kampionët e Itali kanë marrë vetëm dy barazime.