Sbehemi europiane me force
Partia Republikane zhvilloi dje në qytetin e Vlorës aktivin e degës së këtij rrethi. Në këtë takim merrnin pjesë kryetari i PR-së, zoti Fatmir Mediu, anëtarë të kryesisë, drejtuesit lokalë të PR, si dhe një numër i madh simpatizantësh.
Gjatë zhvillimit të këtij aktivi, strukturat lokale të degës Vlorë morën angazhimet përkatëse në prag të fushatës lokale, duke i bërë të qartë elektoratit angazhimin e tyre për pritshmëri maksimale në zgjedhjet e 23 qershorit, mobilizimin e çdo qelize të kësaj dege, si dhe vendosjen e urave të reja të bashkëpunimi me votuesit, për një politikë që është gjithnjë e më pranë qytetarit.
Punimet e këtij aktivi i përshëndeti edhe kryetari i PR-së, zoti Fatmir Mediu. Në fjalën e tij para të pranishmëve, zoti Mediu u shpreh se ka ardhur koha e një reflektimi mbarëkombëtar në raportin që politika ka ndërtuar dhe duhet të ndërtojë me qytetarin, tani më shumë se kurrë, kur synimi i vetëm është integrimi në familjen europiane.
Duke e parë reflektimin politik ngushtësisht të lidhur me çështjen kombëtare, zoti Mediu u shpreh se ajo nuk mund të jetë peng i interesave momentale politike, siç po e trajton Partia Socialiste, e cila duke bllokuar votimin e tri ligjeve, bllokoi mundësinë e integrimit të qytetarëve shqiptarë në Europë. “Nuk mund të bëhemi europianë, për nga mënyra me sa forcë e kërkojmë atë, por nga mënyra se si sillemi dhe si veprojmë” - u shpreh zoti Mediu.
Një tjetër pikë, në të cilën u ndal zoti Mediu, ishte edhe çështja e pronës, ku deklaroi se zgjidhja e këtij ngërçi për shoqërinë shqiptare është kthyer në një nga prioritetet, që BE i kërkon me forcë Shqipërisë.
“Qëndrimi që Partia Socialiste ka ndaj pronës, por gjithashtu edhe ndaj të përndjekurve, është një një demagogji e pastër, jo vetëm për faktin se historia e PS ka qenë histori e dënimit dhe e ndëshkimit të qindra familjesh të përndjekurish dhe pronarësh, por edhe pasi programi aktual i PS nuk reflekton asnjë marëdhënie të kësaj partie me këtë shtresë”, përfundoi zoti Mediu.
Gjatë zhvillimit të këtij aktivi, strukturat lokale të degës Vlorë morën angazhimet përkatëse në prag të fushatës lokale, duke i bërë të qartë elektoratit angazhimin e tyre për pritshmëri maksimale në zgjedhjet e 23 qershorit, mobilizimin e çdo qelize të kësaj dege, si dhe vendosjen e urave të reja të bashkëpunimi me votuesit, për një politikë që është gjithnjë e më pranë qytetarit.
Punimet e këtij aktivi i përshëndeti edhe kryetari i PR-së, zoti Fatmir Mediu. Në fjalën e tij para të pranishmëve, zoti Mediu u shpreh se ka ardhur koha e një reflektimi mbarëkombëtar në raportin që politika ka ndërtuar dhe duhet të ndërtojë me qytetarin, tani më shumë se kurrë, kur synimi i vetëm është integrimi në familjen europiane.
Duke e parë reflektimin politik ngushtësisht të lidhur me çështjen kombëtare, zoti Mediu u shpreh se ajo nuk mund të jetë peng i interesave momentale politike, siç po e trajton Partia Socialiste, e cila duke bllokuar votimin e tri ligjeve, bllokoi mundësinë e integrimit të qytetarëve shqiptarë në Europë. “Nuk mund të bëhemi europianë, për nga mënyra me sa forcë e kërkojmë atë, por nga mënyra se si sillemi dhe si veprojmë” - u shpreh zoti Mediu.
Një tjetër pikë, në të cilën u ndal zoti Mediu, ishte edhe çështja e pronës, ku deklaroi se zgjidhja e këtij ngërçi për shoqërinë shqiptare është kthyer në një nga prioritetet, që BE i kërkon me forcë Shqipërisë.
“Qëndrimi që Partia Socialiste ka ndaj pronës, por gjithashtu edhe ndaj të përndjekurve, është një një demagogji e pastër, jo vetëm për faktin se historia e PS ka qenë histori e dënimit dhe e ndëshkimit të qindra familjesh të përndjekurish dhe pronarësh, por edhe pasi programi aktual i PS nuk reflekton asnjë marëdhënie të kësaj partie me këtë shtresë”, përfundoi zoti Mediu.