Schultz presidenti i ri i Parlamentit Europian
Martin Schultz u zgjodh President i Parlamentit Europian, me 387 pro nga 670 vota të regjistruara në një seancë plenare në Strasburg, gjatë së martës.
Sipas marrëveshjes në mes dy grupimeve kryesore politike, i majti Schultz zëvendëson të djathin Jerzy Buzek, në drejtimin e njërit prej tre institucioneve më të rëndësishme europiane gjatë gjysmës së dytë, deri në përfundimin e legjislaturës aktuale.
Social-demokrati gjerman Martin Schultz, eurodeputet prej vitit 1994, drejtonte grupimin e majtë në Parlamentin Europian që prej vitit 2004. Për europianët, Schultz mbahet mend për përplasjen me kryeministrin Berlusconi ndërsa kritikonte presidencën italiane të BE së në vitin 2003.
Atëherë, i irrituar nga kritikat e së majtës, ish-kryeministri italian Berlusconi e ftoi që të merrte përsipër rolin e një udhëheqësi nazist, në një film që po xhirohej në Itali për Luftën e Dytë Botërore.
Për shqiptarët, Schultz njihet, ndër të tjera, edhe si një prej organizatorëve të takimit të Strasburgut Berisha-Rama, në darkën e shumëpërfolur të “Krokodilit”, një inisiativë kjo që dështoi për zgjidhjen e krizës politike shqiptare.
Sipas marrëveshjes në mes dy grupimeve kryesore politike, i majti Schultz zëvendëson të djathin Jerzy Buzek, në drejtimin e njërit prej tre institucioneve më të rëndësishme europiane gjatë gjysmës së dytë, deri në përfundimin e legjislaturës aktuale.
Social-demokrati gjerman Martin Schultz, eurodeputet prej vitit 1994, drejtonte grupimin e majtë në Parlamentin Europian që prej vitit 2004. Për europianët, Schultz mbahet mend për përplasjen me kryeministrin Berlusconi ndërsa kritikonte presidencën italiane të BE së në vitin 2003.
Atëherë, i irrituar nga kritikat e së majtës, ish-kryeministri italian Berlusconi e ftoi që të merrte përsipër rolin e një udhëheqësi nazist, në një film që po xhirohej në Itali për Luftën e Dytë Botërore.
Për shqiptarët, Schultz njihet, ndër të tjera, edhe si një prej organizatorëve të takimit të Strasburgut Berisha-Rama, në darkën e shumëpërfolur të “Krokodilit”, një inisiativë kjo që dështoi për zgjidhjen e krizës politike shqiptare.