Selite, nderhyrjet qe do te behen ne 5 rruge Luljeta Ndoka

Pese rruge te Njesise Bashkiake nr. 5, prane zones se Selites do t'u nenshtrohen nderhyrjeve rrenjesore, me qellim permiresimin e cilesise se jeteses per banoret e kesaj zone. Rruga "Qemal Butka", "Tafil Agai", "Dhimiter Pasko", "Gjerasim Qiriazi" si dhe rruga "Jaho Gjoliku" do te zgjerohen, asfaltohen, ndricohen e gjelberohen brenda nje kohe te shkurter. Keshtu, kryetari i Bashkise se Tiranes Lulzim Basha tha dje se vemendja e institucionit qe ai drejton po kthehet serish ne zona te lena ne harrese prej me shume se nje dekade. Me nje investim prej rreth 60 milione lekesh, ka nisur dje ndertimi i rruges "Qemal Butka" dhe kater segmenteve te tjera lidhese me kete rruge, ne zonen e Selites, njesia bashkiake nr.5. Nje zone e lene plotesisht ne harrese, e mbuluar nga balta dhe me infrastrukture qe nuk e gjen sot, as ne zonat me te thella te vendit. "Shpresoj ta fiksoni mire kete rruge, per te pare se ne cfare kushtesh kane qene keto pjese te qytetit deri ne vitin 2012, deri 100 vjet pas shpalljes se Pavaresise. Kur te riktheheni pas 10 muajsh, ndoshta edhe me shpejt, kur kontraktori te kete perfunduar punimet edhe kete pjese te qytetit te Tiranes, do te shihni ate standard qe ne premtojme dhe zbatojme sot anembane qytetit", tha Basha. Sipas tij, kjo zone do te pajiset me infrastrukture nentokesore, kanalizime, ujesjelles, me vende rezerve per kabllo optike dhe telefonise, me ndricim, me 150 fidane gjelberim per te gjithe kete bllok dhe natyrisht me paketat e plota te asfaltit. "Qytetaret e rinj apo te vjeter te kesaj zone, kur te dalin nga shtepite e tyre, do t'u shkele kemba qytet dhe jo ne reminishencat me te prapambetura te fshatit shqiptar, te para shume viteve. Ne kete menyre, ne unifikojme standardin qytetar dhe perparojme me standardin modern dhe evropian, ne cdo pjese te Tiranes" -u shpreh Kryebashkiaku Basha. Ashtu si edhe ne investimet e tjera ne infrastrukturen e kryeqytetit, edhe ne kete zone do te behet zevendesimi i mureve rrethuese te shtepive, me kangjella. Kjo zone do te perfitoje edhe nga Unaza e Re e qytetit, pikerisht segmenti nga Qendra "Kristal", deri tek Shkolla Teknologjike, projekt i cili nis nga zbatimi, brenda pak javesh. Ndertimi ketij segmenti i cili do te bashkohet me pjesen tjeter te Unazes se Madhe te qytetit do te beje te mundur lehtesimin e trafikut dhe nje akses me te mire ne ekonomine e qytetit. Miratimi i Planit Urbanistik, sipas zotit Basha, eshte po keshtu nje shans, per te ringjallur ekonomikisht kete pjese te periferise.

Rruget qe do te rindertohen:

Rruga "Qemal Butka" eshte rruge me gjatesi 402 ml, parashikohet te jete me gjeresi totale te shtresave asfaltike 5 m dhe me trotuare

Rruga "Tafil Agai" eshte rruge me gjatesi 117 ml, parashikohet te jete me gjeresi totale te shtresave asfaltike 4.5 m dhe me trotuare

Rruga "Dhimiter Pasko" eshte rruge me gjatesi 96 ml, parashikohet te jete me gjeresi totale te shtresave asfaltike 4.5 m dhe me trotuare

Rruga "Gjerasim Qiriazi" eshte rruge me gjatesi 263 ml", parashikohet te jete me gjeresi totale te shtresave asfaltike 4 m dhe me trotuare ne te dy anet nga 1 m

Rruga "Jaho Gjoliku" eshte rruge me gjatesi 142 ml, parashikohet te jete nje rruge me gjeresi totale te shtresave asfaltike 3 m dhe trotuare