Serbi,Vuçiç:Data për bisedime në tetor

Zëvendëskryeministri i parë i Serbisë, Aleksandar Vuçiç, ka thënë se pret që vendi i tij në qershor të marrë ftesën për bisedime të paraanëtarësimit në Bashkimin Evropian, ndërsa datën për fillimin e bisedimeve të anëtarësimit në muajin tetor.

Supozoj se data do të caktohet për tetor dhe ky do të ishte lajm i mirë, ka thënë Vuçiç për gazetën Blic.

Ai ka theksuar se bisedimet natyrisht se nuk nisin në qershor dhe ky është interpretim i gabuar i politikanëve dhe mediave.

Bashkimi Evropian, në fund të këtij muaji, pritet të vendosë për rrugën përpara të Serbisë dhe të vendeve të tjera që synojnë anëtarësimin.