Serbia vendos këshilla të përkohshëm, shkarkon dhe emëron zyrtarë në veri

Përfaqësues të serbëve të veriut sot do të ndërrohen për shkak të mospranimit për të dalë në zgjedhjet e 3 nëntorit në Kosovës, shkruan sot gazeta e Beogradit "Politika".

Sipas kësaj gazete, do të ndërrohen: “Shefi i qarkut” të Mitrovicës Radenko Nedeljkoviq dhe kryetarët e katër komunave në veri të Kosovës - Dragisha Miloviq (Zveçan), Slavisha Ristiq (Zubin Potok), Dragisha Vlashkoviq (Mitrovicë) dhe Dragisha Vasiq (Leposaviq).

Qeveria e Serbisë do të vendosë këshilla të përkohshëm dhe do të emërojë njerëz të tjerë në funksionet e kryetarëve të deritashëm të kryetarëve të komunave dhe të “shefit të qarkut”, thekson "Politika". /Indeksonline/