Shembet palestra, plagosen më shumë se 20 nxënës në Pejë

Rreth 20 nxënës të fillores së komunës së Pejës janë lënduar, dy prej tyre janë në gjendje të rëndë për jetën.

Nxënësit e shkollave fillore të Pejës ishin mbledhur për një koncert humanitar në palestrën e sporteve "Karagaqi". Gjatë zhvillimit të koncertit ka rënë një pjesë e shkallëve mbi trupat e nxënësve.

Në koncert po merrnin pjesë mësimdhënës si dhe prindër të shumtë.

Rastin e ka konfirmuar për Indeksonline edhe zëdhënësi i policisë për rajonin e Pejës Xhevat Ibraj.

“ Janë më shumë se 20 nxënës të lënduar, dy prej tyre janë në gjendje më të rëndë, ekipi mjekësor ka reagur. Nxënësit po kurohen në spitalin e Pejës”, ka thënë Ibraj për Indeksonline.

(Marrë nga Indeks online)

Redaksia online
(ar.sh/shqiptarja.com)