Shfaqjet per femije do te rrugetojne drejt qyteteve bregdetare

Premierat e sezonit artistik qe lame pas te Teatrit Kombetar te Femijeve nuk do te jene me ekskluzivitet i femijeve kryeqytetas. Trupa e ketij teatri zhvendoset drejt qyteteve bregdetare, duke iu bashkuar femijeve ne keto dite te nxehta vere. Deri ne fund te gushtit, trupa do te levize ne qytetet brenda vendit, ndersa ne shtator pritet qe shfaqjet te performohen edhe pertej trojeve shqiptare. Shfaqjet do te alternohen, duke bere te mundur qe Teatrin e Kukullave ta shijoje jo vetem publiku i vogel ne qytete te tjera, por edhe ne Tirane. Ky institucion do t'i mbaje hapur dyert edhe gjate veres. Turneu ka per qellim mbajtjen gjalle te aktiviteteve kulturore per femije gjate gjithe veres, i cili do te vazhdoje me premierat e reja ne muajin shtator qe do te ngjiten ne skenen e Teatrit Kombetar te Femijeve. Shfaqje e re qe do te realizohet kete vit eshte "Toka e Shqipeve", e cila eshte konceptuar ne 100-vjetorin e Pavaresise si nje shfaqje qe jo vetem do te futet ne repertorin e ketij teatri, por ne aktivitetet e medha qe do te behen me rastin e festimeve te Pavaresise.