Shkelja e Kushtetutes Keshilli i Mandateve dhe Rregullores vendos te coje ne Kuvend mandatin e Ilir Beqjes

Keshilli i Mandateve dhe Rregullores ne Kuvendin e Shqiperise ka marre sot ne shqyrtim kerkesen e nje grupi deputetesh te Partise Demokratike per heqjen e mandatit te deputetit socialist Ilir Beqja per shkelje te Kushtetutes. Pas kesaj mbledhjeje ku ishte ftuar te degjohej ne pretendimet e tij deputeti Beqja ka reaguar deputeti socialist Damian Gjiknuri. Ne nje prononcim per media ai deklaroi se ne kete takim nuk eshte pranuar te degjohen palet. Pritet qe tanime Kuvendi tia dergoje ceshtjen per shqyrtim Gjykates Kushtetuese. Pas Parlamentit eshte Gjykata Kushtetuese e cila vendos nese i duhet hequr mandati apo jo deputetit socialist. Ilir Beqja akuzohet nga Partia Demokratike se ka perfituar fonde publike nga Bashkia e Durresit ne kohen kur ishte perfaqesues ne Kuvendin e Shqiperise. Per akuzen ne fjale PD ka siguruar dokumente te pamohueshme ku shihet qarte se ligjvenesi socialist ka kryer aktin e shkeljes se Kushtetutes duke perfituar fonde publike gjate ushtrimit te detyres si deputet i Kuvendit Shqiperise. Akuza e deputeteve te PD-se 15 deputetet firmetare apo 1/10-a e ligjvenesve te Kuvendit pretendojne ne kerkesen e tyre per heqjen e imunitetit se Ilir Beqja ne cilesine e administratorit te kompanise INTECH- ka lidhur nje kontrate me Bashkine e Durresit per informatizimin e ketij institucioni. Kjo kontrate ne vlere 24 milione leke te reja eshte realizuar ne nentor te vitit 2009-te kohe ne cilen Beqja kishte fituar mandatin e deputetit. Mbi bazen e kesaj kontrate konfirmohet lehtesisht se eshte perfituar gjate periudhes ku Beqja ka marre mandatin e deputetit per qarkun e Shkodres per zgjedhjet parlamentare te 28 qershorit 2009 dhe perben papajtueshmerine me postin qe mban.