Shkelje financiare, 5 zyrtare ne gjykate

Pese zyrtare te Keshillit te Qarkut te Fierit jane paditur ne Gjykaten e Rrethit nga ky institucion per shkelje financiare, duke kerkuar zhdemtim. "Shkeljet e kryera nga Alfred Pope, Estref Pasho, Rrapi Hysaj, Ilir Hoxha, Arben Jorgaqi dhe Mirjan Zisi, komisionere te vleresimit te ofertave, jane zbuluar nga Auditi i Prefektures se Fierit", bene te ditur dje, per "Koha Jone", burime zyrtare nga Keshilli i Qarkut te Fierit. Te njejtat burime serviren edhe dokumentacionin perkates te kesaj ceshtjeje, i cili paraditen e djeshme i eshte derguar gjykates.
Shkresa
Sipas shkreses zyrtare te Keshillit te Qarkut te Fierit, qe mban daten 10 mars 2008 dhe me numer protokolli 435/1, ky institucion ka derguar ne Gjykaten e Rrethit te Fierit kerkese-padite per zhdemtim civil ndaj pese komisionereve te vleresimit te ofertave. Ne kerkese-padi, Keshilli i Qarkut kerkon qe Alfred Pope, Estref Pasho, Rrapi Hysaj, Ilir Hoxha, Arben Jorgaqi dhe Mirjan Zisi te paguajne demin e gjetur nga kontrolli i ushtruar nga Auditi i Prefektures, qe kap shumen e 4 milione e 64 mije e 774 lekeve. Kerkesa bazohet ne shkresen e dates 4 korrik te vitit 2007 te auditit, e cila ne piken 8 i rekomandon Keshillit te Qarkut se "per mos vleresim te sakte te komisionit te vleresimit te ofertave te Keshillit te Qarkut per tenderin e rikonstruksionit te shkolles 9-vjecare Aranitas, te rrethit Mallakaster dhe shkolles se mesme te Divjakes, ne rrethin e Lushnjes, duhet te zhdemtohen perkatesisht vlerat 1345924 dhe 2718850 leke".
Kontrolli
Kontrolli i auditit ne Keshillin e Qarkut te Fierit eshte ushtruar nga data 20 dhjetor i vitit 2006 deri me 16 shkurt te vitit 2007. Sipas raportit te grupit te kontrollit, gjate kryerjes se tendereve te mesiperm, komisioni i vleresimit te ofertave, i perbere nga 5 te paditurit, ka bere vleresime te gabuara, duke shkaktuar demin ekonomik prej afro 4 milione lekesh. Shkresa eshte derguar ne Gjykaten e rrethit te Fierit mesditen e djeshme, ndersa do te jene togat e zeza qe do te vendosin per fatin e kerkese-padise se depozituar.
Luan Mucaj
Ne nje prononcim te tij te djeshem per "Koha Jone", kryetari i Keshillit te Qarkut te Fierit, Luan Mucaj, tha se institucioni qe ai drejton ka reaguar menjehere pasi eshte marre ne dorezim raporti mbi shkeljet financiare te konstatuara nga Auditi i Prefektures se Fierit. "Pasi jane bere verifikimet perkatese, ne vendosem t'i drejtohemi gjykates, per te mundesuar demshperblimin e parave publike", tha Mucaj. Ai shtoi se institucioni i tij eshte i vendosur per te rikthyer parate e taksapaguesve shqiptare ne buxhetin e Keshillit te Qarkut, duke perdorur ne kete menyre rrugen e percaktuar nga legjislacioni ne fuqi. I pyetur ne lidhje me fatin e nepunesve te tij, te cilet jane konstatuar me shkelje, kryetari Mucaj tha se pret vendimin e gjykates per te vendosur nese ata do te vazhdojne te mbulojne detyrat e ngarkuara ne institucionin qe ai drejton.
Xhemil Beharaj

Demi ekonomik
Rreth 4 milione leke shkelje financiare jane konstatuar ne veren e ketij viti nga Auditi i Prefektures se Qarkut te Fierit. Demi ekonomik eshte shkaktuar nga vleresimi i gabuar i ofertave nga pese anetaret e komisionit, Alfred Pope, Estref Pasho, Rrapi Hysaj, Ilir Hoxha, Arben Jorgaqi dhe Mirjan Zisi. Tenderet per te cilet behet fjale ne raportin e grupit te kontrollit, jane ato per rikonstruksionin e shkolles 9-vjecare Aranitas te rrethit Mallakaster dhe shkolles se mesme te Divjakes, ne rrethin e Lushnjes. Keshilli i Qarkut ka paditur ne gjykate pese punonjesit, duke kerkuar qe ata te demshperblejne institucionin.