Shkëmbim zjarri mes policisë greke dhe trafikantëve në kufirin greko-shqiptar

Policia greke është përballur me disa trafikantë gjatë orëve të para të mëngjesit, me të cilët ka shkëmbyer edhe zjarr me armë për disa minuta. E githa ngjarja ka ndodhur në kufirin me Shqipërinë, vetëm 300 metra nga pikëkalimi i Qafë Botës, në vendin e quajtur Loridha, midis Konispolit dhe Igumenicës.

Trafikantët, të cilët mendohet se janë shtetas shqiptarë, kanë mundur që të përfitojnë nga errësira dhe kanë mundur që të largohen ë brendësi të territorit të Shqipërisë.

Sipas burimeve të policisë, katër trafikantë dyshohet se transportonin lëndë narkotike, duke qenë se kanë pasur me vete nëntë thasë.