Shpërthen bomba tek ministria greke e punës

Një pajisje shpërthyese e vendosur jashtë godinës së ministrisë greke të punës në qendër të Athinës ka shpërthyer në orët e para të mëngjesit të së shtunës, por pa shkaktuar viktima në njerëz.  

Ngjarja ndodhi pasi një gazetë e vendit mori një telefonatë ku një person i paidentifikuar tha se në godinën e ministrisë ishte vendosur bomba në fjalë, dhe se pas sulmit ishte një grup guerilas. 

Gazeta informoi menjëherë policinë, e cila rrethoi zonën para se të ndodhte shpërthimi, nga i cili u dëmtua ndërtesa e ministrisë. Policia ndërkohë po heton incidentin. 

Greqi a ka një histori dhune politike, përgjatë të cilës janë përdorur bomba të vogla shumica e të cilave nuk kanë shkaktuar dëme serioze. Megjithatë qeveria greke u shpreh se ishte shqetësuar nga sulmi i së shtunës. Zëdhënsi Pavlos Marinkasi tha për transmetuesit Open TV se sulmi ishte një krim shumë i rëndë. 

Gazertare Elda Pepa 

/ rtsh.al /