“Shqiperia, brenda veres ne BE”

Bashkimi Evropian duhet te pranoje brenda veres, kerkesen e Shqiperise per statusin e vendit kandidat. Ministri i Jashtem Italian, Franco Frattini, u shpreh dje se nuk duhet te lejohet te kete vonesa, ne marrjen ne konsiderate te kerkeses se Shqiperia beri ne prill te ketij viti, per te marre statusin e vendit kandidatit per ne Bashkimin Evropian. “Duhet te sigurojme Shqiperine, se maksimumi brenda veres, do te aprovohet edhe kerkesa e saj per statusin e vendit kandidat ne BE. Shqiperia nuk mund te prese me. Kerkesa e saj nuk duhet te mbetet e mbyllur ne ndonje sirtar ne Bruksel”, tha Frattini, per kerkesen e Shqiperise per marrjen e statusit te vendit kandidat per ne BE. Thirrja per pranimin e kerkeses se Shqiperise dhe kritikat per lenien ne harrese te saj, Frattini i bere gjate shqyrtimit te kerkeses qe ka bere edhe Islanda per te qene vend kandidat ne BE. Sipas tij, te gjitha vendet duhet te trajtohen ne menyre te njejte ne kerkesen e bere. “Ne e presim me kenaqesi kerkesen e Islandes per te hyre ne Bashkimin Evropian, por nga ana tjeter duhet te sigurojme edhe Shqiperine qe brenda veres, do te aprovohet kerkesa e saj per anetaresim ne BE”, theksoi Frattini. Ministri i Jashtem Italian, kerkoi mbledhjen e nje samiti me kreret e qeverive te vendeve te Ballkanit, per te vendosur konkretisht mbi hyrjen ne BE te ketyre vendeve. “Dhjete vjet nga fundi i shperberjes se ish-Jugosllavise, ka ardhur momenti qe keto qeveri te marrin persiper pergjegjesite e tyre. Une propozoj nje konference mes te gjitha vendeve te rajonit per te favorizuar procesin e anetaresimit ne BE, te vendeve si Serbia, Mali i Zi, Bosnja dhe Shqiperia”, u shpreh Frattini. Sipas tij me nje menyre te tille, jepet nje sinjal politik i nivelit te larte dhe Bashkimi Evropian duhet te qartesoje, nese deshiron apo jo Ballkanin Perendimor brenda BE-se. Brukseli sipas ministrit, nuk duhet te fshihet me pas formaliteteve, por te percaktoje kohen e sakte per te gjitha vendet e Ballkanit Perendimor, qe kerkojne te jene pjese e Bashkimit Evropian. Sipas tij, ka ardhur momenti per te verteten dhe pozicionimet per vendet qe duan te anetaresohen duhet te jene te qarta nga BE. Ndaj dhe ai beri thirrje qe kerkesa e Shqiperise te mos mbetet ne sirtaret e Brukselit, por te pranohet dhe te mbahet nje qendrim i prere per te. Shqiperia, dorezoi ne prill te ketij viti zyrtarisht, kerkesen per te marre statusin e vendit kandidat per ne Bashkimin Evropian. Kerkesa u be pas anetaresimit te vendit tone ne NATO.

Kerkesa

Ne 28 prill, kryeministri Sali Berisha, i dorezoi homologut te tij cek Mirek Topolanek, vendit qe kishte Presidencen e radhes se Bashkimit Evropian, kerkesen

per statusin e vendit kandidat ne BE. Ndonese vleresoi kerkesen, Topolanek, tha se Shqiperia ka ende pune per te bere dhe siguroi se procesi do te kurorezohet me sukses te plote dhe endrra e shume brezave qe jetuan ne regjimin totalitar, do te behet realitet.