Shqipëria në Beograd më 11 tetor, luhet në “Rajko Mitić”

Është zyrtarizuar stadiumi ku përfaqësuesja kuqezi do të zhvillojë ndeshjen me Serbinë më 11 tetor. Në një njoftim të federatës serbe bëhet e ditur se kjo sfidë do të luhet në stadiumin më të madh në Beograd, në “Rajko Mitić”, që shërben dhe si shtëpia e Crvena Zvezdës. Po në këtë stadium, më 9 shtator, serbët do të përballen me Anglinë.

Njoftimi i Federatës Serbe:

“Federata e Futbollit të Serbisë njofton publikun se ndeshjet kualifikuese të ekipit kombëtar serb kundër Anglisë më 9 shtator dhe Shqipërisë më 11 tetor do të luhen në stadiumin “Rajko Mitić” në Beograd, ndërsa ndeshja në shtëpi e raundit të fundit kundër Letonisë është zgjedhur në stadiumin “Dubocica” në Leskovac”.