Shtyhet gjyqi ndaj Aldo Bares

Shtyhet gjyqi në ngarkim të ish-kreut të bandës së Lushnjes, Aldo Bare. Vetë Bare ka qenë i pranishëm në fillim të seancës në Gjykatën e Krimeve të Rënda, por më pas është larguar pasi nuk ndjehej mirë. Më pas seanca u zhvillua pa praninë e tij. Avokati i Aldo Bares, Vladimir Meçi, ka kërkuar pushimin e çështjes. Ai u shpreh para togave te zeza se hetimet e kryera nga prokuroria janë jashtë afateve. "Aktet janë të pavlefshme prandaj kërkoj pushimin e gjykimit", tha avokati.
Ndërkohë, Prokuroria ka kërkuar shtyrjen e seancës.
Pas seancës, Vladimir Meçe, avokati i Bares ka deklaruar se nuk është normale që ai të mbahet aq gjatë në izolim. Sipas tij, kanë qenë kushtet e këqija në izolim që kanë sëmurur Aldo Baren.
Aldo Bare, akuzohet për vrasje me paramendim, mbajtje të armëve luftarake, shkatërrim të pronës me zjarr dhe krijim të Organizatës kriminale.